Германия собиқ канцлери Олаф Шольц лавозимни тарк этар экан, у Бундесвер — мамлакат қуролли кучлари оркестри иштирокида тантанали тарзда кузатиб қўйилди. Машъалалар, ҳарбий мусиқа ва махсус расмий маросим “прусс”анъаналарига таянган ҳолда ўтказилди.
Бу Германияда энг юксак ҳурмат ифодаси бўлиб, бундай маросим фақат канцлер, президент ёки мудофаа вазирларига насиб этади. Шолтс ўз танловига кўра уч мусиқий асарни ижро эттирди: “The Beat”нинг “In my live” қўшиғи, Бах мусиқасидан парча ва Арета Франклиннинг “Respekt” асари.
У маросимда сўзга чиқиб, ўз ҳамкасблари ва бутун халққа раҳмат айтди.
Ҳокимият алмашинуви — демократиянинг ажралмас қисми, биз уни ҳимоя қилишимиз керак. Германия кучли бўлиши учун биз биргамиз,— дейди Олаф Шольц.
У, шунингдек, Германия тезроқ ва замонавийроқ бўлиши кераклигини таъкидлади ва ўз ҳукуматининг бу йўлда мустаҳкам пойдевор қўйганини қайд этди. Канцлерликни “катта шараф” деб атаган Шольц, янги канцлер Фридрих Мерцга омад тилади.
