Ижтимоий тармоқларда ҳайдовчи машинани одамлар устига ҳайдагани акс этган видео тарқалди. Ҳолат бўйича ИИББ ЙҲХББ маълумот тақдим этди.
Аниқланишича, бугун, 7 февраль куни соат тахминан 03:20 ларда Шайхонтоҳур тумани Тахтапул кўчасида бир неча фуқаролар ўзаро гап талашиб тортишиб жанжалашиб кетиши натижасида "Gentra" автомашина ҳайдовчиси бир неча фуқароларнинг устига қараб автомашина бошқарган.
Барча фуқаролар туман ички ишлар бўлимига топширилган, ҳолат бўйича автомашина жарима майдонига жойлаштирилган, Шайхонтоҳур тумани ИИО ФМБ томонидан дастлабки суриштирув ҳаракатлари олиб борилмоқда ва ҳолат бўйича қарор қабул қилинади.
