AQShning Virjiniya shtati Arlington shahrida, Pentagon yaqinida ikki avtobus ishtirokida yo‘l-transport hodisasi sodir bo‘ldi.
Fox News telekanaliga ko‘ra, to‘qnashuv oqibatida kamida 23 kishi jarohat olgan. Ulardan 10 nafari AQSh Mudofaa vazirligi xodimlari ekani aytilmoqda.
Ma’lumotlarga ko‘ra, 18 nafar jabrlanuvchi shifoxonalarga yetkazilgan, yana 5 kishiga voqea joyida tez tibbiy yordam ko‘rsatilgan.
Pentagon huquq-tartibot idoralari hodisani tasdiqlab, yaqin atrofdagi transport markazi va metro bekati vaqtincha to‘liq yopilganini ma’lum qilgan.
