AQSh Ispaniyaning NATOdagi aʼzoligini toʻxtatmoqchi

Pentagonda Erondagi harbiy amaliyotni qo‘llab-quvvatlamagan NATO ittifoqchilariga nisbatan “jazo” choralari muhokama qilinmoqda. Reuters manbasiga ko‘ra, ko‘rib chiqilayotgan ehtimoliy variantlardan biri — Ispaniyaning al-yansdagi ishtirokini vaqtincha to‘xtatib qo‘yishdir. Bu taklif Pentagon doirasida ichki muhokamalar bosqichida ekani aytiladi. Mahalliy manbalar qayd etishicha, mazkur chora amalga oshirilgan taqdirda u AQShning joriy harbiy amaliyotlariga sezilarli ta’sir ko‘rsatmasligi mumkin. Biroq, bu qadam asosan siyosiy signal sifatida baholanib, NATO ichidagi pozitsiyalar va ittifoqchilar o‘rtasidagi munosabatlarga kuchli ta’sir o‘tkazishi mumkinligi ta’kidlanmoqda. Hujjatlarda ushbu ehtimoliy qarorning “ramziy ma’nosi katta” ekani alohida urg‘ulangan. Shu bilan birga, bu orqali ittifoqchilarning umumiy harbiy strategiyalarga sodiqligi va hamkorlik darajasiga baho berilishi mumkinligi ham aytilmoqda. Hozircha AQSh tomonidan rasmiy qaror qabul qilinmagan, masala bo‘yicha muhokamalar davom etmoqda.