Пентагонда Эрондаги ҳарбий амалиётни қўллаб-қувватламаган НАТО иттифоқчиларига нисбатан “жазо” чоралари муҳокама қилинмоқда.
Reuters манбасига кўра, кўриб чиқилаётган эҳтимолий вариантлардан бири — Испаниянинг альянсдаги иштирокини вақтинча тўхтатиб қўйишдир. Бу таклиф Пентагон доирасида ички муҳокамалар босқичида экани айтилади.
Маҳаллий манбалар қайд этишича, мазкур чора амалга оширилган тақдирда у АҚШнинг жорий ҳарбий амалиётларига сезиларли таъсир кўрсатмаслиги мумкин. Бироқ, бу қадам асосан сиёсий сигнал сифатида баҳоланиб, НАТО ичидаги позициялар ва иттифоқчилар ўртасидаги муносабатларга кучли таъсир ўтказиши мумкинлиги таъкидланмоқда.
Ҳужжатларда ушбу эҳтимолий қарорнинг “рамзий маъноси катта” экани алоҳида урғуланган. Шу билан бирга, бу орқали иттифоқчиларнинг умумий ҳарбий стратегияларга содиқлиги ва ҳамкорлик даражасига баҳо берилиши мумкинлиги ҳам айтилмоқда.
Ҳозирча АҚШ томонидан расмий қарор қабул қилинмаган, масала бўйича муҳокамалар давом этмоқда.
