АҚШ Молия вазирлиги Хитойнинг йирик мустақил нефть қайта ишлаш заводларидан бири — Hengli Petrokimyo (Dalian) компаниясига нисбатан санкциялар жорий қилди.
Маълум қилинишича, мазкур завод Эрондан юз миллионлаб долларлик нефть харид қилган ва бу орқали Эрон ҳарбий тизимига катта миқдорда даромад келтирган.
Вазирлик баёнотида Hengli компанияси Теҳроннинг энг йирик мижозларидан бири экани қайд этилган. Шунингдек, Эроннинг “соя флоти”га тегишли 40 га яқин компания ва кемалар ҳам санкция рўйхатига киритилган.
Хитой томони эса ушбу қарорни қоралаб, АҚШни савдо ва технология масалаларини сиёсийлаштирмасликка чақирди.
Маълумот учун, Хитой нефть импортининг катта қисми Яқин Шарқ ҳиссасига тўғри келади ва Эрондан йўналтирилган нефть ҳажми ҳам муҳим улушни ташкил этади.
