Бирлашган Араб Амирликлари икки йил ичида давлат хизматларининг 50 фоизини автоном сунъий интеллект тизимларига ўтказишни режалаштирмоқда. Ташаббус президент Муҳаммад бин Зайед Ал Наҳаён топшириғи билан амалга оширилмоқда.
Бош вазир Муҳаммад бин Рошид Ал Мактумга кўра, янги модель «агентлик» SI тизимларига асосланади. Улар инсон аралашувисиз вазифаларни бажариш, жараёнларни бошқариш ва қарор қабул қилишда иштирок этади.
Янги тизим хизматлар сифатини ошириш, самарадорликни кучайтириш ва натижаларни реал вақтда баҳолаш имконини беради. Шунингдек, амалдорлар фаолияти SI жорий этиш суръатига қараб баҳоланади.
Мутахассислар бу ислоҳотни давлат бошқарувидаги энг йирик трансформациялардан бири деб баҳоламоқда.
