Raqobat qo‘mitasi huzuridagi tadqiqot markazi tomonidan o‘tkazilgan tahlillarga ko‘ra, qator tovar bozorlarida mahalliy mahsulotlar bilan to‘yinganlik darajasi pastligicha qolmoqda.
Jumladan, MDF plitalar bozorida mahalliy ishlab chiqarish ulushi atigi 8,1 foizni tashkil etgan. Sport poyabzallari bo‘yicha bu ko‘rsatkich 10,2 foiz, poyabzal kremida esa 11,1 foizni tashkil etgan.
Ayrim tovarlar, xususan elektroustara va zajigalkalar bo‘yicha esa mahalliy ishlab chiqarish umuman mavjud emas — bozor to‘liq import hisobiga ta’minlanmoqda.
Tahlil natijalariga ko‘ra, mazkur yo‘nalishlarda ichki ishlab chiqarishni yo‘lga qo‘yish va kengaytirish uchun katta imkoniyatlar mavjud. Qo‘mita tadbirkorlarni ushbu segmentlarga e’tibor qaratishga chaqirmoqda.
