Dunyoda har yili 840 mingdan ortiq kishi ishdagi psixosotsial xavf-xatarlar oqibatida vafot etmoqda. Xalqaro mehnat tashkiloti hisobotiga ko‘ra, bunga asosan uzoq ish soatlari, ish joyidagi bosim va xavfsizlik muammolari sabab bo‘ladi.
Mutaxassislar ishdagi stress yurak-qon tomir kasalliklari va ruhiy buzilishlarni keltirib chiqarishini, hatto ayrim hollarda o‘z joniga qasd qilishgacha olib borishini ta’kidlamoqda. Hisobotda qayd etilishicha, har yili millionlab sog‘lom hayot yillari yo‘qotilmoqda, bu esa jahon iqtisodiyotiga ham sezilarli zarar yetkazmoqda.
Eng ko‘p uchraydigan oqibatlar — depressiya, xavotir, uyqu buzilishi va surunkali charchoq. Shu bilan birga, zararli odatlar va kamharakat turmush tarzi ham vaziyatni yanada og‘irlashtirmoqda.
