29 dekabr kuni AQSh Prezidenti Donald Tramp va Isroil Bosh vaziri Binyamin Netanyaxu uchrashuv o‘tkazadi. Muloqotning asosiy mavzusi – G‘azodagi tinchlik kelishuvi ikkinchi bosqichini kelishish bo‘ladi. Muzokaralar Trampning Floridadagi Mar-a-Lago qarorgohida bo‘lib o‘tadi.
Dastlabki tinchlik kelishuvi oktyabr oyidan buyon amal qilmoqda, ammo oxirgi paytlarda tomonlar bir-birini shartlarni buzishda ayblab, jarayon sekinlashgan. Ikkinchi bosqich 20 banddan iborat murakkab rejani o‘z ichiga oladi va BMT Xavfsizlik Kengashi tomonidan ma’qullangan, u Hamasning Gazodagi hukmronligini tugatishni ko‘zda tutadi.
Muzokaralarda G‘azoga bevosita aloqasi bo‘lmagan masalalar, jumladan, Eron masalasi ham ko‘tarilishi mumkin. Tashabbus doirasida Tramp boshchiligidagi "Tinchlik kengashi" tomonidan xalqaro nazorat ostida qurolsizlantirilgan Gazoni tiklash, Falastinliklar esa "texnokratik va siyosatdan xoli" qo‘mita tuzish orqali kundalik boshqaruvni amalga oshirish rejalashtirilgan.
Shuningdek, tashabbus Isroil va arab davlatlari munosabatlarini normallashtirish hamda Falastin mustaqilligiga erishish yo‘llarini izlashga qaratilgan, ammo Gazoni tiklash, Hamasni qurolsizlantirish va "xalqaro barqarorlashtirish kuchlari"ni shakllantirish kabi murakkab logistika va gumanitar masalalar hali ham mavjud.
Uchrashuv Trampning maxsus vakili Steve Witkoff va kuyovi Jared Kushnerning yaqinda Misr, Qatar va Turkiya rasmiylari bilan maslahatlashuvlaridan keyin bo‘lmog‘da. Netanyaxu esa Trampning ikkinchi prezidentlik muddati davomida Oq uyda u bilan uchrashgan birinchi xorijiy yetakchi bo‘ladi.
