Milliy statistika qo‘mitasi ma’lumotlariga ko‘ra, 2025 yilning yanvar—sentabr oylarida mamlakatda jami 664,6 ming nafar chaqaloq dunyoga kelgan.
Hududlar kesimida eng ko‘p tug‘ilish Samarqand viloyatida kuzatilib, ushbu hududda 80 903 ta chaqaloq tug‘ilgan. Keyingi o‘rinlarda Qashqadaryo (75 116 ta) va Farg‘ona (74 614 ta) viloyatlari joy olgan.
Shuningdek, Surxondaryo viloyatida 61 128 ta, Andijonda 60 131 ta, Namanganda 57 881 ta chaqaloq tug‘ilgan. Toshkent viloyatida 49 007 ta, Toshkent shahrida esa 47 703 ta tirik tug‘ilish qayd etilgan.
Nisbatan kam tug‘ilish ko‘rsatkichlari Xorazm (33 011 ta), Buxoro (32 624 ta), Qoraqalpog‘iston Respublikasi (29 523 ta), Jizzax (28 484 ta), Navoiy (18 594 ta) va Sirdaryo (15 879 ta) viloyatlarida qayd etilgan.
