Jahon chempionati doirasida futbolkalar taqdirmoti har doim eng kutlgan jarayonlardan biri hisoblanadi. Bu yil esa kampaniyalar an’anaviy uslubdan sezilarli darajada farq qilmogda.
Ma’lum qilinishicha, asosiy ishlab chiqaruvchilar — Adidas va Nike bu galgi kolleksiyalarida klassik futbol formalaridan ko‘ra ko‘proq ko‘cha uslubidan ilhomlangan liboslarni taqdim etmogda. An’anaviy short, paypoq va butsalar o‘rniga zamonaviy va kundalik kiyimlarga yaqin obrazlar ilgari surilgan.
Yangi kolleksiyalar maydon ichi va tashqarisidagi futbol madaniyatidan ilhom olib, arxiv klassikalarini ko‘cha uslubi bilan uyg‘unlashtirgan.
Jumladan, Nike o‘zining Jahon chempionati uchun uy formalarini Virjil van Deyk, Uilyam Saliba va Kol Palmer kabi yulduz futbolchilar ishtirokidagi qisqa rolik orqali taqdim etdi. Unda futbolkalar kargo shimlar, jinsi va sport poyabzallari bilan uyg‘unlashtirilgan.
Adidas esa Los-Anjelesda safar formalarini namoyish qilib, bu yo‘nalishni yanada rivojlantirdi. Tadbirda Kendall Jenner va Damson Idris kabi mashhurlar ishtirok etib, modellar liboslarni keng shimlar, retro jinsi va mikro-shortlar bilan uyg‘unlashtirganini namoyish qildi.
