Миллий статистика қўмитаси маълумотларига кўра, 2025 йилнинг январь—сентябрь ойларида мамлакатда жами 664,6 минг нафар чақалоқ дунёга келган.
Ҳудудлар кесимида энг кўп туғилиш Самарқанд вилоятида кузатилиб, ушбу ҳудудда 80 903 та чақалоқ туғилган. Кейинги ўринларда Қашқадарё (75 116 та) ва Фарғона (74 614 та) вилоятлари жой олган.
Шунингдек, Сурхондарё вилоятида 61 128 та, Андижонда 60 131 та, Наманганда 57 881 та чақалоқ туғилган. Тошкент вилоятида 49 007 та, Тошкент шаҳрида эса 47 703 та тирик туғилиш қайд этилган.
Нисбатан кам туғилиш кўрсаткичлари Хоразм (33 011 та), Бухоро (32 624 та), Қорақалпоғистон Республикаси (29 523 та), Жиззах (28 484 та), Навоий (18 594 та) ва Сирдарё (15 879 та) вилоятларида қайд этилган.
