Унга кўра, дам олиш кунлари республика ҳудудининг асосий қисмида қуруқ ва илиқ об-ҳаво сақланади. Айрим ҳудудларда — Самарқанд, Жиззах вилоятлари ҳамда Фарғона водийсида қисқа муддатли ёмғир ва момақалдироқ кузатилиши мумкин.
Кечаси ҳаво ҳарорати +8…+13 даража, кундузи эса +20…+25 даража атрофида бўлиши кутилмоқда.
Шунингдек, тоғолди ва тоғли ҳудудларда айрим жойларда ёмғир ёғиши, момақалдироқ бўлиши мумкин. Бу ҳудудларда сел-паводка хавфи ҳам сақланиб қолади.
Тошкент шаҳрида эса дам олиш кунлари ёғингарчилик кутилмайди. Шамол шарқий йўналишда, кучсиздан ўртача тезликкача эсади. Ҳаво ҳарорати кечаси +11…+13, кундузи +23…+25 даража бўлади.
