Joriy yilning 1 dekabr kuni soat taxminan 15:55 larda Andijon tumani, “Chavkandaryo” MFYda yashovchi 1973 yilda tug‘ilgan fuqaro yashash xonadonida qo‘lbola usulida tayyorlangan isitish pechidan chiqqan is gazidan zaharlanib, ogir holatda tuman Tez tibbiy yordam bo‘limiga olib borildi. Bu haqda Bosh prokuratura matbuot xizmati rahbari Hayot Shamsutdinov Darakchi.uz ga ma’lum qildi.
Ko‘rsatilgan tibbiy yordamga qaramay 12 dekabr kuni erkak Respublika shoshilinch tibbiy yordam ilmiy markazi Andijon filialida vafot etgan.
Hozirda marhumning o‘lim sabablarni aniklash yuzasidan sud tibbiy ekspertiza tayinlangan bo‘lib, ekspertizaning dastlabki ma’lumotnomasiga ko‘ra, unda “is gazidan zaharlanishning ogir darajasi, koma holati, toksik ensefalopatiya, o‘tkir yurak qon-tomir va nafas yetishmovchiligi” aniklangani yozilgan.
Hozirda tuman prokuraturasi tomonidan tergovga qadar tekshiruv harakatlari olib borilmokda.
