Qozog‘istonda 3 kishi sovuqdan muzlab, halok bo‘ldi.

Qozog'istonning G'arbiy Qozog'iston viloyatida 15 dekabr kuni o'ta sovuq harorat oqibatida uch nafar erkak muzlab qolgani aniqlandi. Ular gipotermiya (tana haroratining o'ta sovib ketishi)dan halok bo'lgan.

Noqulay ob-havo sharoitlari tufayli poytaxt Ostona shahrida transport harakatiga cheklovlar o'rnatildi. Xususan, 15 dekabr kuni soat 14:00 dan boshlab Ostona shahridan chiqishdagi magistral yo'llar yo'nalishlarida barcha turdagi transport vositalari uchun harakat cheklandi.