Xorazmda Cobalt avval Nexia bilan to‘qnashib, so‘ng trotuarda turgan 2 yoshli bolani urib yubordi, oqibatda bola halok bo‘ldi. Bu haqda Xorazm viloyati IIB YHXX xabar bermoqda.
Hodisa 17-sentyabr kuni ertalab 9:00 larda Yangiariq tumani “Angarik” MFY hududidan o‘tgan 90V062 avtomobil yo‘lining birinchi kilometrida sodir bo‘lgan. 34 yoshli haydovchi Nexia avtomashinasida chap tomonga qayrilmoqchi bo‘lib turganida, orqa tomondan harakatlanib kelayotgan 33 yoshli haydovchi boshqaruvidagi Cobalt avtomashinasi uni quvib o‘tmoqchi bo‘lgan.
Biroq Nexia avtomashinasiga urilib, boshqaruvni yo‘qotgan va yo‘l chetida, trotuarda turgan 2023-yilda tug‘ilgan bolani urib yuborgan. U voqea joyida vafot etgan.
Holat yuzasidan Yangiariq tumani ichki ishlar bo‘limi tergov guruhi tomonidan dastlabki tergov-surishtiruv harakatlari olib borilmoqda.
