Ijtimoiy tarmoqlarda Namangan viloyati Chortoq tumanidagi 17-sonli maktabgacha ta'lim muassasasida bolalar polida uxlab yotgani aks etgan video tarqaldi. Holat yuzasidan Maktabgacha va maktab ta'limi vazirligi rasmiy munosabat bildirdi.
Qayd etilishicha, mazkur muassasada qisqa muddatli guruhlar mavjud bo‘lib, ularnda bolalar bir necha soat davomida shug‘ullanishadi va kunduzgi uyqu rejasi joriy qilinmagan.
Holat yuzaga kelgan kuni bunday guruhlardagi 12 nafar tarbiyalanuvchi ota-onalari vaqtida olib keta olmaganlari bois bog‘chada qolib ketgan, kutish jarayonida esa ular uxlab qolgan.
Vazirlik mazkur muassasada aniqlandan qoidabuzarliklarni bartaraf etish bo‘yicha ko‘rsatmalar bergan.
Shuningdek, bog‘cha direktorigga nisbatan intizomiy jazo chorasi qo‘llanilgan.
