Ижтимоий тармоқларда Наманган вилояти Чортоқ туманидаги 17-сонли мактабгача таълим муассасасида болалар полда ухлаб ётгани акс этган видео тарқалди. Ҳолат юзасидан Мактабгача ва мактаб таълими вазирлиги расмий муносабат билдирди.
Қайд этилишича, мазкур муассасада қисқа муддатли гуруҳлар мавжуд бўлиб, уларда болалар бир неча соат давомида шуғулланишади ва кундузги уйқу режаси жорий қилинмаган.
Ҳолат юзага келган куни бундай гуруҳлардаги 12 нафар тарбияланувчи ота-оналари вақтида олиб кета олмагани боис боғчада қолиб кетган, кутиш жараёнида эса улар ухлаб қолган.
Вазирлик мазкур муассасада аниқланган қоидабузарликларни бартараф этиш бўйича кўрсатмалар берган.
Шунингдек, боғча директорига нисбатан интизомий жазо чораси қўлланилган.
