Xitoyda 2 yosh-u 7 oylik bola mashina o‘rindig‘iga qisilib qolib vafot etdi.Bu haqda South China Morning Post xabar berdi.
Bildirilishicha, o‘sha paytda ota mashinada rafiqasi va ikki farzandi bilan ketayotgan bo‘lgan. Ayol va qizi ikkinchi qatorda, ikki yosh-u 7 oylik o‘g‘li esa yolg‘iz holda uchinchi qatorda o‘tirgan.
Bola maxsus xavfsizlik o‘rindig‘ida bo‘lgan. Opasi o‘rindiqning orqa qismini pastga tushirgan, oqibatda bolaning boshi opasining o‘rindig‘iga qattiq qisilib qolgan. Ikki yashar bola hushini yo‘qotgan va badani ko‘karishni boshlagan.
Shifoxonaga olib borilganida shifokorlar miya jarohati va kislorod yetishmasligi oqibatida bolani allaqachon vafot etganini aniqlagan.
Hodisadan so‘ng ota-ona avtomobil ishlab chiqaruvchini “konstruksiya nuqsoni”da ayblab sudga bergan. Da’vogarlarga ko‘ra, kampaniya aniq ogohlantirish bermagan va avtomobil o‘rindig‘ida avtomatik qaytish (avto-retratsion) funktsiyasi bo‘lmagan. Oila kampaniyadan kechirim so‘rashni va 280 ming dollar miqdorida tovon (tibbiy xarajatlar, o‘lim uchun kompensatsiya va ruhiy qo‘llab-quvvatlash to‘lovlari) talab qilgan.
Biroq avto kampaniya uning tovarlari barcha sanoat standartlariga javob berishi, Xitoyning majburiy sifat sinovlaridan o‘tganini bildirgan. Pudong tuman sudi esa fojiaga “ota-onaning beparvoligi” sabab bo‘lganini ta’kidlab, da’voni rad etgan.
