Toshkent viloyatida Milliy xavfsizlik xizmati va viloyat prokuraturasi tomonidan o‘tkazilgan tezkor tadbir davomida Bekobod shahar MIB davlat ijrochisi 13 million so‘m pora olayotgan paytda qo‘lga olindi.
Aniqlanishicha, u aliment qarzdorligi sababli qo‘yilgan xorijga chiqish taqiqini olib tashlash evaziga fuqarodan jami 20 million so‘m so‘ragan. U ilgariroq 450 dollar va 1,3 million so‘m ham olgan.
Sud hukmiga ko‘ra, jinoyatchi Jinoyat kodeksining tegishli moddalari bilan aybdor deb topilib, 6 yilga ozodlikdan mahrum etildi. Shuningdek, u 2 yil davomida davlat xizmatida ishlash huquqidan mahrum qilindi.
