Poytaxtning Chilonzor tumanida yashovchi fuqaro o‘z uyida 1,5 mlrd so‘mlik 1,2 kgdan ortiq sintetik giyohvand moddalarni saqlagani aniqlandi. Bu haqda Toshkent shahar IIBB matbuot xizmati xabar berdi.
Ushbu miqdor 6 ming nafar kishini zaharlashi mumkinligi aytilgan.
Qayd qilinishicha, «Qoradori-2025» tezkor-profilaktik tadbiri doirasida Chilonzor tumani IIO FMB jinoyat qidiruv bo‘limi xodimlari tomonidan o‘tkazilgan reydda fuqaro S. shaxsiy ko‘rikdan o‘tkazilib, uning yonidan 5 gr giyohvandlik moddasiga o‘xshash moddalar topilgan.
Keyinchalik fuqaroning yashash manzilida o‘tkazilgan tintuv davomida yirik miqdordagi giyohvandlik vositalari aniqlanib, quyidagilar ashyoviy dalil sifatida hujjatlashtirilgan:
• oq rangli kukunsimon modda solingan turli zip-paketlar bo‘lgan uchta qora paket;
• ko‘k rangli izolyatsiyaga o‘ralgan kukunsimon modda;
• elektron tarozilar va qadoqlash vositalari.
Holat yuzasidan surishtiruv ishlari olib borilmoqda.
