Tashqi ishlar vazirligi Hindiston va Pokiston o‘rtasida kuchayib borayotgan vaziyatdan jiddiy xavotirda ekanini bildirib, tomonlarni diplomatik muloqot va tinchlik yo‘liga chaqirdi.
Tashqi ishlar vazirligi Hindiston va Pokiston o‘rtasida kuzatilayotgan keskinlashuv munosabati bilan rasmiy bayonot berdi.
Unda ta’kidlanishicha, O‘zbekiston ushbu holat rivojini xavotir bilan kuzatmoqda.
“Biz ikki davlatni vazminlikka, tinchlik va barqarorlik manfaatlarini inobatga olgan holda harakat qilishga chaqiramiz. Shuningdek, vaziyatning yanada yomonlashishini oldini olish uchun diplomatik muloqotga ustuvor ahamiyat berish lozim.
Tashqi ishlar vazirligi, shuningdek, O‘zbekiston bu boradagi har qanday xalqaro yoki mintaqaviy tinchlikka qaratilgan sa’y-harakatlarni qo‘llab-quvvatlashga tayyor ekanini ma’lum qilgan", - deyiladi bayonotda.
