Ijtimoiy tarmoqlarda Samarqand shahridagi 39-DMTTda xodimlarning o‘zaro tortishuvi aks etgan video tarqaldi. Holat yuzasidan Maktabgacha va maktab ta’limi boshqarmasi rasmiy munosabat bildiridi.
Qayd etilishicha, videodagi holat 2024-yil sentyabr oyida sodir bo‘lgan. Tasvirda xo‘jalik mudiri hamda tarbiyachi o‘rtasida o‘zaro tortishuv kelib chiqqan.
“Voqea oqibatida jarohat olgan va jabrlanganlar bo‘lmagan. Ushbu janjaldan so‘ng 39-DMTT xo‘jalik mudiri bilan tuzilgan mehnat shartnomasi bekor qilingan”, — deyiladi xabarda
Shuningdek, izohda 39-DMTT direktori hamda tarbiyachiga nisbatan qonun doirasida jazo choralari qo‘llanilgani ham qo‘shimcha qilingan.
