Ҳозирга қадар қарийб 2,5 минг куб метр ифлосланган тупроқ олиб чиқилган.
Маълум қилинишича, пляжлар қора модда билан қопланиб бормоқда, нефть доғи эса денгиз бўйлаб шимол томонга силжимоқда. Агой, Небуг, Ольгинка ва Новомихайловское каби курорт ҳудудлари хавф остида қолмоқда.
Мутахассислар баҳосига кўра, атроф-муҳитга тарқалган нефть маҳсулотлари ҳажми 300–350 тоннани ташкил этади. Спутник кузатувларида эса 7 километргача чўзилган доғ қайд этилган.
Маҳаллий аҳоли кучли кимёвий ҳиддан шикоят қилмоқда, мутахассислар эса ҳавода зарарли моддалар миқдори меъёрдан ошганини билдирмоқда.
