Маълум қилинишича, 26 апрель куни А-373 автомобиль йўлнинг “Қамчиқ” довонидан ўтган қисмида “Водий–Тошкент” йўналишида ҳаракатланаётган “Волга” ҳайдовчиси бошқарувни йўқотиб, автомобилни йўл четидаги сойга тушириб юборган.
Ҳодиса бўйича “112” тизими орқали хабар келиб тушган ва “Қамчиқ” махсус қутқарув бошқармаси қутқарувчилари зудлик билан манзилга етиб борган.
Қутқарувчилар автомобиль ичида бўлган икки нафар фуқарони қутқариб, уларга биринчи тиббий ёрдам кўрсатган ҳамда тез тиббий ёрдам хизматига топширган.
Шунингдек, махсус техника ёрдамида сойга тушиб кетган автомобиль хавфсиз ҳудудга чиқариб олинган.
