Бу ерда аҳолига томорқадан самарали фойдаланиб, юқори даромад олиш амалиёти жорий этилмоқда.
Маълум қилинишича, Қува туманидаги ушбу агромажмуа етиштиришдан тортиб, сақлаш, қайта ишлаш ва экспортгача бўлган барча жараёнларни ягона занжирда бирлаштирган. Корхона йилига 5 минг тонна маҳсулот ишлаб чиқариш қувватига эга.
Ҳозирда тумандаги 3 мингта хонадон ва 1 мингта деҳқон хўжалиги билан кооперация йўлга қўйилиб, аҳолига 10 сотих ердан 250 миллион сўмгача даромад олиш усуллари ўргатилмоқда.
Замонавий технологиялар ва халқаро стандартлар асосида маҳсулотлар экспортбоп ҳолга келтирилмоқда. Жорий йилда 25 миллион долларлик маҳсулотни ташқи бозорга чиқариш режалаштирилган.
Давлат раҳбари ердан самарали фойдаланиш, маҳсулотни чуқур қайта ишлаш ва экспортни кенгайтириш орқали аҳоли даромадларини ошириш муҳимлигини таъкидлади.
