Туркия Коммуникациялар бошқармасига кўра, раҳбарлар икки томонлама муносабатлар юзасидан фикр алмашган. Эрдоған мудофаа саноати жумладан барча соҳаларда ҳамкорликни ривожлантириш икки мамлакат учун ҳам фойдали эканини таъкидлади.
У Эронга қилинган ҳужумлар оқибатида юзага келган жараёнлар глобал вазиятга салбий таъсир кўрсатганини айтиб, Туркия ва бошқа давлатлар томонидан қўллаб-қувватланган дипломатик саъй-ҳаракатлар ўт очишни тўхтатишда муҳим роль ўйнаганини билдирди.
У Анқара барқарорликни таъминлаш йўлидаги ҳаракатларга ҳисса қўшишда давом этишини таъкидлади. Шунингдек, Ғазо тинчлик режасининг иккинчи босқичини бошлаш муҳим эканини айтиб, эришилган ижобий суръат йўқотилмаслиги лозимлигини билдирди.
Раҳбарлар шунингдек, Ҳормуз бўғозида халқаро ҳуқуқ асосида кемалар эркин ҳаракатини таъминлаш, Суриядаги вазият, Кавказда тинчликни қўллаб-қувватлаш ҳамда Украина ва Россия ўртасида барқарор тинчлик музокараларини қайта тиклаш масалаларини ҳам муҳокама қилишди.
