Ижтимоий тармоқларда Фарғона вилояти Марғилон шаҳрида йўлнинг қатнов қисмида реклама ролигини тасвирга олиш жараёнлари акс этган видео тарқалди. Ҳолат Марғилон шаҳар Ички ишлар бўлими Йўл ҳаракати хавфсизлиги бўлими томонидан ўрганилди.

Аниқланишича, ушбу ҳаракатни амалга оширган шахс билан профилактик суҳбат ўтказилиб, унга нисбатан Маъмурий жавобгарлик тўғрисидаги кодекснинг 138-моддаси 1-қисмига асосан маъмурий баённома расмийлаштирилди.
Масъуллар фуқаролардан ҳар қандай ҳаракат қонун доирасида бўлиши лозимлигини эслатиб, йўл ҳаракати қоидаларига риоя қилиш муҳимлигини таъкидлади.






