Ўзбекистонлик гроссмейстер Жавоҳир Синдоров Кипрда ўтаётган 2026-йилги Номзодлар турнири доирасида тарихий рекорд ўрнатди. У турнир якунига 4 тур қолганига қарамай, 10 та партиянинг 6 тасида ғалаба қозониб, амалдаги форматда энг кўп ютуққа эришган шахматчига айланди.
10-турда Синдоров оқ доналарда ҳиндистонлик Рамешбабу Праггнанандҳаага қарши баҳс олиб борди. Рақибнинг хатосидан унумли фойдаланган ўзбекистонлик шахматчи аниқ юришлар орқали устунликни қўлга киритиб, 53-юришдан сўнг ғалабани расмийлаштирди.
Мазкур натижадан сўнг Синдоров 8 очко билан турнир жадвалида пешқадамликни мустаҳкамлади. У энг яқин таъқибчиси — нидерландиялик Аниш Гиридан 2 очкога илгарилаб кетмоқда.
Илк бор Номзодлар турнирида қатнашаётган Синдоров ҳозирча мағлубиятсиз одимламоқда. У ортда қолган турларда Фабиано Cаруана, Ҳикару Накамура ва Wei Yi каби етакчи гроссмейстерлар устидан ғалаба қозонган.
Эслатиб ўтамиз, мусобақа ғолиби амалдаги жаҳон чемпиони Гукеш Доммаражуга қарши жаҳон тожи учун баҳс олиб бориш ҳуқуқини қўлга киритади.
