Ўзбекистонда доимий аҳоли сони 2026 йил 1 январь ҳолатига кўра 38 миллион 236 минг 704 нафарни ташкил этди. Бу ҳақида Миллий статистика қўмитаси маълум қилди.
Қайд этилишича, мустақиллик йилларида мамлакат аҳолиси 17,6 миллион нафарга ёки 85,6 фоизга ошган.
Йиллар кесимидаги маълумотлар аҳоли сони изчил ўсиб бораётганини кўрсатади: 1991 йилда 20,6 миллион бўлган кўрсаткич 2000 йилга келиб 24,4 миллионга, 2010 йилда 28 миллионга, 2020 йилда эса 33,9 миллионга етган.
Сўнгги йилларда ҳам ўсиш динамикаси сақланиб, 2025 йилда 37,5 миллионни ташкил этган аҳоли сони 2026 йил бошига келиб 38,2 миллиондан ошган.
