Мамлакатимиз Бош консулхонаси кўмагида Қозон шаҳрида оғир касалликка чалинган ҳамюртимиз Ватанга қайтарилди, деб хабар қилмоқда "Дунё" АА.
1981 йилда туғилган ҳамюртимиз А.Б. иш вақтида соғлиғида кузатилган муаммолар туфайли Татаристон шифохонасига ётқизилган.
Ўзбекистоннинг Қозон шаҳридаги Бош консулхонаси Миграция агентлиги билан биргаликда ватандошимизни юртимизга қайтариш бўйича тадбирларни амалга оширди.
А.Б. дипломатлар ва Миграция агентлиги ходимлари кўмагида "Uzbekistan Airways" АЖнинг "Қозон-Тошкент" авиайўналишидаги самолётида Ўзбекистонга кузатиб қўйилди.
Ҳамюртимиз бугун соғ-саломат Ўзбекистонга етиб олди ва даволанишни давом эттирмоқда.
