Украина президенти Владимир Зеленский 20 август куни журналистлар билан учрашувда мамлакатда ишлаб чиқилган “Фламинго” узоқ масофали қанотли ракетаси синовдан муваффақиятли ўтганини эълон қилди.
DW'нинг ёзишича, ушбу ракетанинг учиш масофаси 3 минг километрни ташкил қилади.
Зеленский бу ракета Украина ракета дастури доирасидаги “энг муваффақиятли лойиҳа” бўлганини таъкидлади. Унинг сўзларига кўра, “Фламинго” ҳақида тўлиқ маълумотлар ҳозирча ошкор қилинмайди — фақатгина бу ракеталардан юзтаси амалда қўллашга тайёр бўлгач, тафсилотлар берилиши мумкин.
Массавий ишлаб чиқариш эса 2025 йил декабрда ёки 2026 йил бошида бошланиши режалаштирилган.
