Жиноят ишлари бўйича Нурафшон шаҳри судининг ҳукмига кўра, 1999 йилда Тошкент вилоятида туғилган В.Д. Жиноят кодексининг 156-моддаси (миллий, ирқий, этник ёки диний адоват қўзғатиш) 2-қисми ва 158-моддаси (Ўзбекистон Республикаси Президентига тажовуз қилиш) 3-қисмида назарда тутилган жиноятларни содир этганликда айбли деб топилди.
Суд унга 3 йил 1 ой муддатга озодликдан маҳрум қилиш жазоси тайинлади. Жазони манзил-колонияда ўташи белгиланган.
Ҳукм ҳали қонуний кучга кирмаган бўлиб, тарафлар қонунда белгиланган тартибда Тошкент вилоят судига апелляция ёки кассация тартибида шикоят киритиш ҳуқуқига эга.
