Россия президенти Владимир Путин ва АҚШ махсус вакили Стив Уиткофф ўртасидаги музокаралар Москвада бўлиб ўтди. Бу йилги бешинчи учрашув тахминан уч соат давом этгани айтилмоқда. Учрашув тафсилотлари ҳозирча ошкор этилмади.
Россия президенти ёрдамчиси Юрий Ушаковга кўра, ҳозирча изоҳ бериш эрта, чунки учрашув натижалари ҳали АҚШ президенти Доналд Трампга етказилмаган. “Бизнинг президент барча маълумотларга эга, Трамп томони эса ҳали хабардор эмас. Шу сабабли ҳозирча тафсилотлар ҳақида гапиришга шошилмайман”, — дейди у.
Уиткоффнинг Москвага ташрифи ҳақида бир неча кун аввал АҚШ президенти ўзи маълум қилган эди. Трамп Россия раҳбариятига Украинадаги урушни тўхтатиш бўйича 10 кунлик муддат берган ва ушбу ташриф шу доирада амалга оширилгани тахмин қилинмоқда. Ультиматум муддати икки кундан сўнг якунланади.
Учувчисиз самолёт маълумотларига кўра, Уиткофф бўлиши мумкин бўлган Gulfstream самолёти Москвадан учиб кетган.
