Ўзбекистонда 1 сентябрдан ППХ бўлинмалари юридик шахслар билан тузилган шартнома асосида жамоат тартибини сақлаш ва жамоат хавфсизлигини таъминлаш борасидаги пулли хизматларни кўрсатиши мумкин бўлади. Ушбу қарор Вазирлар Маҳкамаси томонидан 30 июль куни қабул қилинди.
Қарорга кўра, 1 сентябрдан бошлаб юридик шахслар ППХ бўлинмаларига шартнома-ҳуқуқий асосда хизматлардан фойдаланиш учун ЯИДХП ва Давлат хизматлари марказлари орқали мурожаат қилишлари мумкин бўлади.
ППХ бўлинмалари ИИВнинг «Электрон патруль» тизими орқали хизмат кўрсатиши мумкин бўлади. Юридик шахслар ушбу хизматдан фойдаланиш учун ариза беришлари керак бўлади. Белгиланган шаклдаги ариза ваколатли орган томонидан қабул қилинган кундан бошлаб 10 иш куни мобайнида кўриб чиқилади.
Жамоат жойларида жамоат тартиби ва хавфсизлигини таъминлаш мақсадида ППХ бўлинмалари томонидан кўрсатиладиган хизматлар тарифлари Иқтисодиёт ва молия вазирлиги билан келишилган ҳолда белгиланади.
