Франция президенти Эммануэл Макрон мамлакати Фаластин давлатини тан олишга қарор қилганини билдирди.
Унинг сўзларига кўра, бу ҳақдаги расмий баёнот 2025 йил сентябрида эълон қилинади. Макрон бу қарорни Яқин Шарқдаги тинчлик саъй-ҳаракатларини қўллаб-қувватлаш деб атади.
Маълумот учун, бугунги кунга қадар дунёнинг 140 дан ортиқ давлати Фаластин давлатини тан олган.
Европа Иттифоқи аъзолари орасида эса бу борада якдил фикр мавжуд эмас. Ирландия, Испания ва Норвегия 2024 йилда Фаластинни тан олганини эълон қилган эди.
