Бугун, 23 июль куни Сурхондарё вилоятида жойлашган давлат қўриқхонасида ёнғин чиқди. Бу ҳақда Фавқулодда вазиятлар вазирлиги хабар берди.
Қайд этилишича, соат 15:52 да ФВБга 112 тизими орқали Шеробод тумани “Қизилолма” МФЙ ҳудудида жойлашган Сурхон давлат қўриқхонасига қарашли ҳудудда тахминан 5 гектар майдонда қуруқ ўт ёнаётгани тўғрисида хабар келиб тушган.
Мазкур хабарга асосан, ёнғин-қутқарув экипажи қутқарувчилари, тегишли ташкилотлар ходимлари воқеа жойига етиб борган. ФВВга кўра, ёнғин ҳали бартафар қилинмаган. Ҳозирда ёнғин ўчирилмоқда. Ушбу ёнғинни бартараф қилиш учун етарли куч ва воситалар жалб қилинган.
