Трамп АҚШни UNESCO'дан чиқаришга қарор қилди. Бу ҳақда The Guardian нашри хабар берди.
"Президент Дональд Трамп Америка халқи ноябрь ойида овоз берган соғлом фикр ва сиёсатга мутлақо зид бўлган, зиддиятли ва адоват уйғотувчи маданий ҳамда ижтимоий масалаларни қўллаб-қувватлаётган ташкилот — UNESCO'дан Қўшма Штатларни чиқариш тўғрисида қарор қабул қилди", — деди Оқ уй матбуот котибининг ўринбосари Анна Келли.
The New York Post нашрига кўра, Оқ уй ушбу ташкилот позициясини антиамерика, антисионистик, xитойпараст деб ҳисоблайди, шунингдек, унинг “хилма-хиллик, тенглик ва инклюзивлик” сиёсатидан норози.
UNESCO — бу БМТ агентлиги бўлиб, бутун дунёда маданий меросни ҳимоя қилиш, таълим, фан ва эркин оммавий ахборот воситаларини ривожлантириш билан шуғулланади.
