Европа дипломатиясининг раҳбари Кая Каллас АҚШ президенти Дональд Трампнинг Россияга нисбатан қатъий позициясини ижобий баҳолади, бироқ Украина бўйича эълон қилинган “50 кунлик муҳлат”ни танқид қилди.
“Трампнинг Россияга нисбатан кескин ёндашуви — ижобий сигнал. Аммо ҳар куни бегуноҳ одамлар ўлаётган бир пайтда 50 кун — жуда узун вақт. Биз ҳаммамиз Россияга босимни кучайтиришимиз керак, токи у ҳам тинчликни истасин”, — дейди Калас.
14 июль куни НАТО бош котиби Марк Рютте билан учрашувда Трамп Россияга Украина бўйича тинчлик келишувига эришиш учун 50 кунлик муҳлат берганини айтди. Акс ҳолда, у Россиянинг савдо ҳамкорларига нисбатан 100 фоизли иккиламчи санкциялар жорий қилиш билан таҳдид қилди.
Шунингдек, Трамп АҚШ Украинага Patriot ҳаво мудофаа тизимлари юбориш режасини тасдиқлади. Калас эса АҚШдан ҳам Европа давлатлари каби ҳарбий ёрдам кутаётганини билдирди.
