Кеча, 14 июнь куни Тошкент вилоятининг Бекобод шаҳрида поезд ва микроавтобус иштирокида йўл-транспорт ҳодисаси содир бўлди.
Қайд этилишича, соат тахминан 16:40 да Бекобод шаҳрининг Буюк Ипак йўли кўчасидаги темирйўл кесишмасида (шлагбаумсиз, бироқ темирйўл светафори ва йўл белгилари мавжуд) 2002 йилда туғилган Х.Ф. бошқарувидаги JAC М3 микроавтобус ҳаракатланаётган вақтда темирйўлда келаётган ТЗМ2УМ дизел локомотив билан тўқнашган ва оқибатида йўл-транспорт ҳодисаси содир бўлган.
ЙҲХБ хабарига кўра, ҳодиса туфайли транспорт воситалари техник жиҳатдан шикастланган. Фуқаролар соғлиғига зарар етмаган.
Ҳолат бўйича Бекобод шаҳар ИИБ Йўл ҳаракати хавфсизлиги бўлими томонидан суриштирув ишлари олиб борилмоқда.
