Qayd etilishicha, O‘zbekiston Respublikasi Prezidentining 2025 yil 24 dekabrdagi “2026 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga muvofiq, 9 may — Xotira va qadrlash kuni besh kunlik ish haftasida ishlaydigan xodimlar uchun shanba — dam olish kuniga to‘g‘ri kelgani sabab ushbu dam olish kuni 2026 yil 11 may — dushanba kuniga ko‘chirilgan.
Shunga asosan:
— 2026 yil 11 may kuni umumta’lim maktablari o‘quvchilari uchun (ushbu kunga belgilangan jadval bo‘yicha) dars mashg‘ulotlari o‘tkaziladi. Boshlang‘ich sinf o‘quvchilari bundan mustasno. — Davlat maktabgacha ta’lim tashkilotlarida esa 2026 yil 11 may dam olish kuni hisoblanadi.
Ma’lumot uchun, nodavlat ta’lim muassasalarida dam olish kunlari mazkur muassasalarning ichki tartib-qoidalariga muvofiq belgilanadi.
