Qayd etilishicha, fojiya tong soat 08:00 atrofida sodir bo‘lgan. Uch nafar farzandning onasi bo‘lgan ayol bilan uning to‘ng‘ich o‘g‘li o‘rtasida pul masalasida janjal chiqqan.
Tergov ma’lumotlariga ko‘ra, tortishuv vaqtida ayblanuvchi qo‘lidagi bolta bilan onasining bosh qismiga bir necha marta zarba bergan va unga og‘ir tan jarohatlari yetkazgan.
Shundan keyin ham u harakatlarini to‘xtatmagan. Erkak xo‘jalik pichog‘i bilan ayolga yana jarohat yetkazib, uning bosh qismini tanasidan ajratgan.
Ma’lum qilinishicha, so‘ngra u jasadning tanasini tomorqaning bir qismiga, bosh qismini esa hojatxona orqasiga ko‘mib qo‘ygan va voqea joyidan qochib ketgan.
Mazkur jinoyat ishi Jinoyat ishlari bo‘yicha Dang‘ara tuman sudida ko‘rib chiqilgan.
Sud hukmiga ko‘ra, ayblanuvchi Jinoyat kodeksining 97-moddasi 2-qismi “j” bandi — o‘ta shafqatsizlik bilan qasddan odam o‘ldirishda aybdor deb topilgan.
Unga 18 yil muddatga ozodlikdan mahrum qilish jazosi tayinlangan. Jazoni umumiy tartibli koloniyada o‘tashi belgilangan.
