2026 yil 25 aprel, shanba kuni Ukraina prezidenti Vladimir Zelenskiy Ozarbayjonga keldi. Gabala shahrida u Prezident Ilhom Aliyev bilan muzokaralar o‘tkazdi.
Asosiy siyosiy natija sifatida Zelenskiy Ukraina Rossiya va AQSh ishtirokida Ozarbayjonda uch tomonlama muzokaralarning yangi bosqichini o‘tkazishga tayyor ekanini bildirdi. U Boku vositalik rolini yuqori baholab, agar Rossiya urushni tugatishga tayyor bo‘lsa, Kiyev diplomatik muloqotga rozi ekanini aytdi.
Tashrif davomida ikki davlat o‘rtasida 6 ta bitim imzolandi. Ularda asosiy e’tibor mudofaa sanoatiga qaratildi: qurol-yarog‘ haridi bilan birga qo‘shma ishlab chiqarish va hamkorlikda mahsulot yaratish (“ko-prodakshn”) kelishib olindi.
Ilhom Aliyev bu kelishuvlar ikki mamlakat sanoat rivojiga katta imkoniyatlar ochishini ta’kidladi. Tomonlar suverenitet va hududiy yaxlitlikni o‘zaro qo‘llab-quvvatlashda davom etishini ham tasdiqladi.






