2026 йил 25 апрель, шанба куни Украина президенти Владимир Зеленский Озарбайжонга келди. Габала шаҳрида у Президент Илҳом Алиев билан музокаралар ўтказди.
Асосий сиёсий натижа сифатида Зеленский Украина Россия ва АҚШ иштирокида Озарбайжонда уч томонлама музокараларнинг янги босқичини ўтказишга тайёр эканини билдирди. У Бокуни воситачилик ролини юқори баҳолаб, агар Россия урушни тугатишга тайёр бўлса, Киев дипломатик мулоқотга рози эканини айтди.
Ташриф давомида икки давлат ўртасида 6 та битим имзоланди. Уларда асосий эътибор мудофаа саноатига қаратилди: қурол-яроғ хариди билан бирга қўшма ишлаб чиқариш ва ҳамкорликда маҳсулот яратиш (“ко-продакшн”) келишиб олинди.
Илҳом Алиев бу келишувлар икки мамлакат саноат ривожига катта имкониятлар очишини таъкидлади. Томонлар суверенитет ва ҳудудий яхлитликни ўзаро қўллаб-қувватлашда давом этишини ҳам тасдиқлади.
