Prezident Shavkat Mirziyoyev “Jamoiat salomatligi va xavfsizligini ta’minlash maqsadida transmilliy narkotahdidlarga qarshi kurashish” mavzusidagi xalqaro forum ishtirokchilariga murojaatida narkotiklar savdosi global xavfga aylanganini ta’kidladi. Uning so‘zlariga ko‘ra, narkobiznes nafaqat jinoyatchilik, balki terrorizmni moliyalashtiruvchi yirik yashirin iqtisodiyot manbaidir.
Davlat rahbari narkojinoyatlarga qarshi kurashda moliyaviy manbalarni cheklash hal qiluvchi ahamiyatga ega ekanini qayd etib, kriptobirjalar uchun yagona identifikatsiya standartlarini joriy etish, offshor hududlar bilan ma’lumot almashinuvini kuchaytirish va “noma’lum manba” mablag‘larini avtomatik bloklash mexanizmlarini ishlab chiqishni taklif qildi. Shuningdek, noqonuniy mablag‘lar harakatini aniklaydigan “xalqaro raqamli qora kod” tizimini yaratish tashabbusi ham ilgari surildi.
Mirziyoyev BMT ma’lumotlariga tayanib, dunyoda 300 milliondan ortiq odam giyohvand moddalar ta’sirida ekanini, har yili qariyb 600 ming kishi bu illat qurboniga aylanishini qayd etdi. Ushbu xavf O‘zbekistonn ham chetlab o‘tayotgani ta’kidlanib, mamlakatda narkojinoyatlarga qarshi kurash umummilliy harakatga aylantirilgani aytildi.
Forum doirasida sun’iy intellekt asosida ishlaydigan yagona xalqaro raqamli platforma yaratish, Markaziy Osiyo narkologlar assotsiatsiyasini tashkil etish va narko-trafik yuqori hududlar uchun maxsus rivojlanish dasturlarini ishlab chiqish kabi qator tashabbuslar ilgari surildi.
