Xalqaro moliya tashkilotlari bilan amalga oshirilayotgan milliardlab loyihalarda mahalliy kompaniyalar ishtiroki yetarli emasligi tanqid qilindi. Endilikda ularni xalqaro tenderlarga tayyorlash bo‘yicha yangi tizim joriy etiladi.
Qayd etilishicha, bugungi kunda 20 milliard dollardan ortiq infratuzilma loyihalari amalga oshirilmog‘da. Biroq hatto yuqori reyting, yetarli mablag‘ va texnikaga ega mahalliy quruvchilar ham ushbu bozorda to‘liq ishtirok eta olmayapti, aksariyati subpudratchi sifatida qolib ketmog‘da.
Mutasaddidlar va buyurtmachi idoralar xalqaro moliya tashkilotlari bilan muzokaralarda mahalliy kompaniyalar imkoniyatlarini yetarlicha namoyish eta olmayotgani, shartnomalarda ularning manfaatlarini himoya qilmayotgani tanqid qilindi. Shuningdek, xalqaro tender shartlari o‘rganilmaganligi sabab, eng arzon taklif bergan korxonalar ham raqobatda yutqazayotgani qayd etildi.
Shu munosabat bilan mahalliy loyihachi, quruvchi va konsultantlarni xalqaro tenderlarda qatnashishga o‘qitish tizimini yaratish vazifasi belgilandi. Shu bilan birga, ayrim quruvchilar qo‘shni davlatlardagi xalqaro loyihalarda bosh pudratchi sifatida ishtirok eta boshlagani ijobiy baholandi.
