Eronning yangi oliy rahbari Mujtabo Xamanaiy ayni damda hushsiz holatda bo‘lib, mustaqil qaror qabul qila olmaydi. Bu haqda The Times nashri AQSh va Isroil razvedka xizmatlari ma’lumotlariga tayanib Zamon.uz xabar bermoqda.
Ma’lum qilinishicha, Mujtabo Xamanaiy hozirda Qum shahrida davolanayotganmoqda va hukumat qarorlarida ishtirok eta olmayapti.
Xabarga ko‘ra, bu AQSh va Isroil harbiy operatsiyasi boshlanganidan beri Xamanaiyning qayerda ekanligi haqidagi birinchi ochiqlangan ma’lumotdir. Lekin AQSh va Isroil razvedkasi Mujtabo Xamanaiyning qayerda ekanligini allaqachon bilgan.
Taxminlarga ko‘ra, Mujtabo Xamanaiy 28 fevral kungi ilk zarbalar oqibatida og‘ir yaralangan va o‘shandan beri omma oldida ko‘rinish bermagan.
Hozircha Eron rasmiylari bu xabarni tasdiqlamagan ham, rad ham etmagan.
Shuningdek, diplomatik qaydda Eronning sobiq oliy rahbari, marhum Ali Xamanaiyni Qum shahrida dafn etishga tayyorgarlik ko‘rilayotgani keltirilgan.
