Tomonlar muzokaralar yakunida iqtisodiy hamkorlikni yangi bosqichga olib chiqish, tovar ayirboshlash hajmini ikki barobarga oshirish hamda qator yirik qo‘shma loyihalarni amalga oshirishga kelishib oldi.
Xususan, “O‘zbekiston – Fotihobod” savdo zonasini tezlashtirish, energetika, metallurgiya, qishloq xo‘jaligi va farmatsevtika kabi sohalarda 2 mlrd dollarlik kooperatsiya dasturini ishga tushirish rejalashtirilgan.
Shuningdek, transport qatnovlarini kengaytirish, chegaradan o‘tish punktlari quvvatini oshirish va “yashil” energetika hamda suv resurslarini boshqarish bo‘yicha hamkorlikni kuchaytirishga kelishildi.
