Vazirlik matbuot xizmatiga ko‘ra, yo‘llarda noqonuniy poygalar o‘tkazilishi yo‘l harakati ishtirokchilari xavfsizligi va jamoat tartibiga jiddiy tahdid solmoqda.
Bunday holatlar ko‘pincha og‘ir yo‘l-transport hodisalariga, hatto odamlar o‘limiga sabab bo‘lib, aholi orasida norozilik va xavotir uyg‘otmoqda.
Shu munosabat bilan ishlab chiqilgan qonun loyihasi noqonuniy avtopoygalar oqibatida yuzaga keladigan fojiali holatlarning oldini olishga qaratilgan.
Hujjat manfaatdor vazirlik va idoralarga kelishish uchun yuborilgan. Belgilangan tartib-taomillardan so‘ng u jamoatchilik muhokamasiga qo‘yilishi ma’lum qilindi.
